ԵԽԽՎ Վրաստանի հարցով համազեկուցողները կայցելեն Ջավախք

Այսօր վաղ առավոտյան 5-օրյա այցով Վրաստան են ժամանել ԵԽԽՎ Մոնիտորինգային հանձնաժողովի` Վրաստանի հարցով համազեկուցողներ Մայքլ Աստրուպ Իենսենը եւ Բորիս Ցիլեւիչը: Նրանք օդանավակայանում հայտարարել են, որ իրենց այցի նպատակը Վրաստանում եւ Սամցխե-Ջավախքում տիրող իրավիճակին ծանոթանալն է, նաեւ Վրաստանի խորհրդարանի կողմից ընդունված օրենքների ուսւոմնասիրումը. տեղեկացնում է apsny.ge-ն:

Այսօր երկրի վարչապետ Բիձինա Իվանիշվիլիի, վերաինտեգրման պետնախարար Պաատ Զաքարեիշվիլիի հետ հանդիպումներ են նախատեսված, իսկ վաղը համազեկուցողները կմենկեն Ջավախք, որտեղ հանդիպումներ կունենան Ախալցխայում եւ Ախալքալաքում: Մասնավորապես` Ախալքալաքում համազեկուցողները կզրուցեն Ջավախքում Վրաստանի օմբուդսմենի ներկայացուցիչ  Սեդա Մելքումյանի եւ վերաինտեգրման պետնախարարի ներկայացուցիչ Էդուարդ Աղասարյանի հետ:

Աշխատանքային այցի մյուս օրերին դարձյալ հանդիպումներ կլինեն Թբիլիսիում, այդ թվում` Վրաստանի նախագահ Միխեիլ Սահակաշվիլիի հետ: