Փոխարժեքներ
03 10 2024
|
||
---|---|---|
USD | ⚊ | $ 387.18 |
EUR | ⚊ | € 428.45 |
RUB | ⚊ | ₽ 4.1 |
GBP | ⚊ | £ 514.06 |
GEL | ⚊ | ₾ 141.75 |
Անհրաժեշտ է օրենքով նախատեսված միջոցներ ձեռնարկել Երևանում իրականացվող շինարարությունների ժամկետային խախտումները բացառելու ուղղությամբ. այսօր հերթական աշխատանքային խորհրդակցության ժամանակ նշել է Երևանի քաղաքապետ Կարեն Կարապետյանը:
«Մեզ համար նախ պետք է հստակ լինի, թե քանի՞ կառուցապատող կա քաղաքում, ո՞վ է սեփականության իրավունքով կամ վարձակալությամբ հող վերցրել ու դրանից հետո ժամկետների համար չի դիմել: Գույքագրման արդյունքում լիարժեք պատկեր ունենալուց հետո կառուցապատողների պայմանագրերի մասին տեղեկատվությունը պետք է ուղղորդել վարչական շրջաններ և հետևողական հսկողություն իրականացնել պարտավորությունների հետ կապված»,- ընդգծել է քաղաքապետը:
Շեշտվել է, որ շինարարության ժամկետների պահպանումը լինելու է ոչ թե միանվագ ակցիա, այլ կրելու է ամենօրյա աշխատանքային բնույթ. տեղեկացնում է քաղաքապետարանի տեղեկատվության և հասարակայնության հետ կապերի վարչությունը: