Մարդու իրավունքները` Հայոց բանակում

Այսօր ԵԱՀԿ երևանյան գրասենյակի, ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) և «Գործընկերություն հանուն բաց հասարակության» նախաձեռնության կողմից անցկացվեց Հայոց բանակում մարդու իրավունքներին նվիրված քննարկում:

Միջոցառմանը մասնակցող պաշտպանության փոխնախարար Արա Նազարյանը տեղեկացրեց, որ նախարար Սեյրան Օհանյանը զբաղվածության պատճառով չի կարողացել գալ եւ ընթերցեց նախարարի ուղերձը:

«Նման քննարկումները նպաստում են ՀՀ պաշտպանական համակարգի զարգացմանը, եւ նախարարությունն ակտիվորեն մասնակցում է զինված ուժերում մարդու իրավունքների պաշտպանության մեխանիզմների կատարելագործման գործընթացին»,- ասվում էր ուղերձում:

Արա Նազարյանի համոզմամբ` բանակում հանցագործություններ կատարում են հիմնականում պատշաճ կրթական մակարդակ չունեցող անձինք, եւ այդ պատճառով էլ  ՊՆ-ն մեծ ուշադրություն է դարձնում զինված ուժերում կրթական մակարդակի բարձրացմանը: