"Ժառանգությունը" շրջափակման մեջ է

Այսօր խորհրդարանում «Ժառանգություն» խմբակցության պատգամավորներին գտնելն անհնար էր: Նրանց օգնականներն ասացին, թե գնացել են Գյումրի եւ ճանապարհների փակ լինելու պատճառով չեն կարողանում վերադառնալ:

«Ժառանգությունը» հայտարարել էր, որ սատարելու է արտասահմանյան մեքենաների մաքսազերծման հետ կապված խնդիրներ ունեցողներին: Խոսքը, մասնավորապես, վերաբերում է վրացական պետհամարանիշներով ավտոմեքենաների տերերին:

Զանգահարեցինք խմբակցության ղեկավար Ստյոպա Սաֆարյանին: Նա ասաց, թե շրջափակման մեջ կանգնած են փողոցում. ոստիկանները չեն թողնում մարդկանց տեղաշարժվել:

Պլանավորված է եղել, որ այսօր գյումրեցի բողոքավորները մեքենաներով պետք է գային մայրաքաղաք` իրենց դժգոհություններն ու առաջարկությունները կառավարությանը ներակայացնելու, սակայն ոստիկանները փակել են ճանապարհները: