Հրապարակել են օլիմպիական խաղերի օրացույցը

2012 թվականի Լոնդոնի ամառային օլիմպիադայի կազմակերպիչները հրապարակել են օլիմպիական խաղերի օրացույցը:

Ինչպես հաղորդում է օլիմպիական խաղերի պաշտոնական կայքը, տղամարդկանց վազքի եզրափակիչը կայանալու է օգոստոսի 5-ին: 10-ին և 11-ին համապատասխանաբար կկայանան վոլեյբոլի, բասկետբոլի, ջրագնդակի, հանդբոլի, մարմնամարզության, ֆուտբոլի, ջրացակտի և բռցքամարտի եզրափակիչները:

«Օրացույցի հրապարակումը շատ կարևոր իրադարձություն է: Օրեցօր մրցումներն ավելի հետաքրքիր կդառնան: Հիմա մարդիկ կարող են մրցումներին այցելելու ծրագրերը կազմել: Առաջիկայում 2.2 մլն մարդ էլեկտրոնային փոստով կստանա օրացույցը»,- հայտարարել է «Լոնդոն-2012»-ի կազմկոմիտեի նախագահ Սեբաստիան Քոուն: