Հավատարիմ է...

ԲՀԿ նախագահ Գագիկ Ծառուկյանը, կուսակցության համագումարում ելույթ ունենալով, հավաստիացրեց, որ իրենք հավատարիմ են մնալու կոալիցիոն հուշագրին եւ դրա ոգուն:

Անդրադառնալով նախագահական եւ խորհրդարանական ընտրություններին` նա նշեց, որ հուսով է` կլինի գրագետ ու ազատ պայքար, նաեւ վստահ է, որ իշխանությունն ամեն բան կանի` ընտրությունները միջազգային չափորոշիչներին համապատասխան անցկացնելու համար:

Նշենք, որ Գագիկ Ծառուկյանի ելույթից հետո քաղաքական ուժերի ներկայացուցիչները լքեցին դահլիճը:

Փաստորեն, ԲՀԿ նախագահը ոչինչ կոնկրետ չասաց` սատարելո՞ւ է Սերժ Սարգսյանին 2013-ի նախագահական ընտրություններում, թե՞ ոչ, նաեւ`պատրա՞ստ է 2012-ից հետո նույն պայմաններով համագործակցել կոալիցիոն գործընկերների հետ: