Ռասիզմ` իսպանական ֆուտբոլում

«Բարսելոնայի» պաշտպան Դանի Ալվեշը խոսել է իսպանական ֆուտբոլում առկա ռասիզմի խնդիրների մասին:

Ինքը` ֆուտբոլիստը, համարում է , որ ռասիստական դրսևորումները հատուկ են երկրի հասարակության անկիրթ զանգվածին:

«Յուրաքանչյուր հանդիպման ժամանակ ես ստիպված եմ լինում բախվել ռասիզմի հետ, - ասել է 27-ամյա պաշտպանը Folha de Sao Paulo-ին, - ֆուտբոլասերները հաճախ ինձ կապիկ են անվանում, բայց ես չեմ վիրավորվում: Երբ առաջին անգամ Իսպանիայի առաջնությանը հայտնվեցի խաղադաշտում, ապշած էի, բայց այժմ ուշադրություն չեմ դարձնում դրան: Չնայած իմ ընտանիքը ոչ մի կերպ չի կարողանում ընդունել, թե ինչպես են վերաբերվում ինձ երկրպագուները: Բայց ես փորձում եմ չմտածել դրա մասին: Պարզապես կարծում եմ, որ ինձ վիրավորող մարդիկ անկիրթ են: Ակումբներն ու լիգան փորձում են ամեն կերպ պայքարել այս երևույթի դեմ, սակայն ռասիզմն Իսպանիայում անվերահսկելի է»: