Ծրագրի դադարեցման լուրե՞րն ազդեցին

Պարզվում է` Արցախում այս կամ այն ծրագրի դադարեցման կամ շարունակման մասին լուրերն ավելի շատ են նպաստում այդ ծրագրի իրականացմանը: Նորաստեղծ ընտանիքներին միանվագ նպաստ (300 հազար դրամ) տրամադրող ծրագրի դադարեցման մասին անցյալ տարեվերջին շրջանառվող լուրերը հակառակ արդյունքը տվեցին. դեկտեմբերին 25 ամուսնություն ավելի գրանցվեց, քան նախորդ տարվա նույն ամսին:

 ԼՂՀ արդարադատության նախարարությունից ստացված տեղեկությունների համաձայն՝ անցած տարվա դեկտեմբերին հանրապետությունում գրանցվել է 179 ամուսնություն: Իսկ նորաստեղծ ընտանիքներին օժանդակող ծրագիրը կգործի նաեւ այս տարի. պետբյուջեով 900 նորաստեղծ ընտանիքների կտրամադրվի 270 մլն դրամ: