Իշխանությունը ժողովրդինը պետք է լինի, ոչ թե թայֆաներինը

«Հայաստանին պետք է ոչ թե անձերի, այլ համակարգի կտրուկ փոփոխություն»,- այսօր ասուլիսի ժամանակ ՀՅԴ Գերագույն Մարմնի անդամ Արմեն Ռուստամյանն ասաց, որ ներկայւոմս Հայաստանի ներկայիս հակաժողովրդավարական իրավիճակը փոխելու համար անհրաժեշտ է ունենալ նոր որակի իշխանություն:

Նրա խոսքերով` իշխանափոխության ճանապարհին պետք է արմատախիլ անել իշխանության վերարտադրման համակարգը եւ ձեւավորել ընտրական համակարգ, ստեղծել ժողովրդավարացման համար անհրաժեշտ միջավայր, իրականացնել իշխանության ապակենտրոնացում:

ՀՅԴ-ն առաջարկում է ամրագրել խորհրդարանական համակարգի սկզբունքը, քանի որ նախագահական համակարգը մեծ ռիսկեր է պարունակում մեր հասարակության համար: Պետք է վերացնել պատգամավորների անձեռնմխելիությունը:

Բացի իշխանափոխությունը, պետք է աշխատել նաև հասարակության հետ և բարձրացնել նրա` իր իրավունքների գիտակցման մակարդակը: Քաղաքացին պետք է  իր ընտրելու իրավունքը վեր դասի ամեն ինչից: Արդյունքում` իշխանությունը կստանա ժողովուրդը և ոչ թե ինչ-որ «թայֆաներ»: