ԱՌԱՎՈՏ. Ալիևը խռովե՞լ է

Ադրբեջանի նախագահ Իլհամ Ալիևը երեկ Աստանայում վերջին պահին հրաժարվել է իր հայ և ռուս գործընկերներ Սերժ Սարգսյանի և Դմիտրի Մեդվեդևի հետ հանդիպումից:

Այդ մասին Հայաստանի տարբեր կայքերին և լրատվական գործակալություններին հաղորդել է անանուն դիվանագիտական մի աղբյուր:

Աղբյուրի համաձայն հանդիպումից հրաժարվելը, հնարավոր է, պայմանավորված է այն բանով, որ Ալիևն ի վիճակի չէ բացատրել իր անունից հնչեցված հայտարարության բովանդակությունը, ինչպես նաև իր ելույթում ներառված կարծիքները:

«Համանախագահնները, ովքեր շատ էին ցանկանում կազմակերպել այդ հանդիպումը, տարակուսանքի մեջ ենե,- նշել է աղբյուրը:

Կա, սակայն, մեկ այլ վարկած. Ադրբեջանի նախագահը դժգոհ է մնացել նրանից, որ Աստանայում Ղարաբաղի հարցով առաջընթաց, ըստ էության, չի արձանագրվել, և անիմաստ է համարել ձեւական հանդիպումը: