Առավոտ վեցին ՔՊ-ն իր պատգամավորներով, ավագանիներով ներս է մտել

Օրեր առաջ դիմել եմ կառավարությանը, որպեսզի Ալավերդու ավագանին լուծարվի, լինեն նոր ընտրություններ, դեռեւս չեն պատասխանել, երեւի չեն ուզում պատասխանել: Այս մասին, այսօր՝ դեկտեմբերի 5-ին, Ալավերդիում լրագրողների հետ զրույցում նշեց համայնքի ղեկավար Արկադի Թամազյանը:

Այսօր՝ դեկտեմբերի 5-ին Ալավերդու ավագանու ՔՊ խմբակցությունը համայնքի ղեկավարի նկատմամբ անվստահության գործընթաց է սկսել եւ ցանկանում է ազատվել համայնքապետից, որը «Ապրելու երկիր» կուսակցությունից է: «Ապրելու երկիր» խմբակցությունից Սիմոն Զախարովը դուրս է եկել խմբակցությունից եւ միացել ՔՊ-ի թիմին, ինչը հնարավորություն է տալիս ավագանու նիստ գումարել եւ անվստահություն հայտնել Արկադի Թամազյանին:

«Հիմա ներսում են միայն ՔՊ խմբակցության անդամները, Սիմոն Զախարովը եւ ԱԺ պատգամավոր Արեն Մկրտչյանը: Որեւէ հիմք չեմ տեսնում, որ պատգամավորը լինի ավագանու նիստին: Նույնիսկ ավագանու անդամներին թույլ չեն տալիս ներս մտնել:

Մանրամասն՝ տեսանյութում։