Հայ դեղարտադրողները ապահովում են տեղական շուկայի 12 տոկոսը

«Փոքր, բայց տպավորիչ արդյունքներ ունենք դեղագործական շուկայում, հայկական դեղերը տեղական շուկայում ոչ թանկ դեղորայքների մոտ 12 տոկոսն են կազմում, որը բավական մեծ ցուցանիշ է այս ոլորտի համար և զարգացման  միտումներ ունի»,-Դեղագործության մրցունակության միջազգային երրորդ  համաժողովի բացման ժամանակ ասաց էկոնոմիկայի նախարար Ներսես  Երիցյանը:

Նախարարի խոսքով` երկրում արտադրված դեղորայքի 40 տոկոսը արտահանվում է հետխորհրդային երկրներ: 2005-ին 1,5 մլն դոլարի արտահանման ծավալ է գրանցվել, որը, չնայած 2009-ի ճգնաժամին, եռապատկվել է: Բացի դա, էկոնոմիկային նախարարը շեշտում է, որ մեր երկրում դեղագործության հիմքը ձևավորված է և պետք է այնպես անել, որ այս ոլորտը նպաստի տնտեսության զարգացմանը:

«Այս տարվա 10 ամիսների ընթացքում ունեցել ենք 19 տոկոս աճ»,-ավելացնում է Երիցյանը: