Հակառակորդի հարձակման հետևանքով Հալեպում բնակչությունը կրել է նյութական վնասներ

«Գանձասար» պարբերականի փոխանցմամբ՝ այսօր՝ վաղ առավոտյան, Հալեպում տեղի են ունեցել բախումներ, որի հետևանքով Շէյխ Թահա և Վիլլաներ հայաբնակ շրջաններում հրասանդերի պայթյունի հետևանքով նյութական վնասներ են արձանագրվել։

Նշվում է, որ վիրավորներ չկան, իսկ վնասները միայն նութական են։

«Այս պահին Հալեպում խաղաղ է, մերթընդմերթ կրակոցների ձայներ են լսվում։ Մթերային խանութները, դեղատները և հիվանդանոց բաց են։

Մինչև ժամը 13։00-ն ժամանակ են տվել Շէյխ Մաքսուտի և Աշրաֆիեի բնակչության դուրս գալ այդ շրջաններից»։

Հիշեցնենք, որ երեկ Հալեպի «Գանձասար» պարբերականից Yerkir.am-ին որոշ մանրամասներ էին հայտնել հակամարտության վերաբերյալ։