Արշակ Սրբազանի տղամարդկային, ազգային ու հայրենասեր հրապարակային կեցվածքը կանգնել է մեր երկիրը կործանման տանողների կոկորդին․ Գերասիմ Վարդանյան

ՀՅԴ ՀԳՄ անդամ Գերասիմ Վարդանյանը գրում է․

«Արշակ Սրբազանին թիրախավորել, հալածում ու փորձում են վարկաբեկելով հեռացնել եկեղեցուց, որովհետև՝

1. Նա Ծիծեռնակաբերդի հուշահամալիրում արտաբերեց հազարավոր հայերի սրտից բխող այս պատգամը։

2. Չնայած կեղծ կոմպրոմատներին ու շանտաժին՝ նա չհանձնվեց ու չմիացավ ազգադավներին՝ լավ իմանալով, թե ինչերի միջով է անցնելու։

3. Ի տարբերություն շատերի՝ նա այն եզակիներից ու ամենաազդեցիկներից է, որ չտրվեց կեղծ խոստումներին ու չդավաճանեց Վեհափառին։

4. Նրա տղամարդկային, ազգային ու հայրենասեր հրապարակային կեցվածքը կանգնել է մեր երկիրը կործանման տանողների կոկորդին։

Նման շոուներից ու վարկաբեկումներից մեր հասարակության մեջ այլևս որևէ մեկը ապահովագրված չէ։ Յուրաքանչյուր հայ մարդ, ով իր կեցվածքով խնդիր է այս իշխանությունների համար, կամ վարկաբեկվում է, կամ բանտարկվում, կամ սպանվում է։

Հ.Գ. Վստահ եմ՝ այս խայտառակ ու ծանր օրերը կհաղթահարի թե՛ մեր ժողովուրդը, թե՛ մեր եկեղեցին։

Իսկ Արշակ Սրբազանը պատմության հեռավոր էջերից կհիշվի որպես Ծիծեռնակաբերդի համալիրում այդ խոսքերը հնչեցրած Սրբազան, իբրև հավատարմության, սկզբունքայնության և անկոտրում լինելու խորհրդանիշ»։