«Հյուսիս-Հարավ» միջանցքն իրականանալու հեռանկար առայժմ չունի․ իրանցի փորձագետ

« «Հյուսիս-Հարավ» միջանցքն  իրականանալու հեռանկար առայժմ չունի»,- Թեհրանի Հայ Դատի հանձնախմբի Հայկական հարցերի ուսումնասիրության կենտրոնում, Yerkir.am-ի գլխավոր խմբագիր Վահե Սարգսյանի հարցին ի պատասխան, ասաց իրանցի փորձագետ Ֆարշադ Ադելը։

Նշենք, որ ճանաչողական այցով Իրան մեկնած Հայաստանի մի քանի լրատվամիջոցների ղեկավարներ, խմբագիրներ Թեհրանի Հայ դատի հանձնախմբի Հայկական հարցերի ուսումնասիրության կենտրոնում (ՀՈՒՍԿ) հանդիպել են իրանցի փորձագետների հետ, լսել նրանց բանախոսություներն ու մտքեր փոխանակել տարածաշրջանային խնդիրների, Հայաստանի անվտանգությանն առնչվող հարցերի, այսպես կոչված՝ «Զանգեզուրի միջանցքի», ՀՀ-Իրան հարաբերությունների մասին։