Միշուստինը կմասնակցի ԱՊՀ վարչապետների խորհրդի և ԵԱՏՄ միջկառավարական խորհրդի նիստերին

Դեկտեմբերի 12-13-ը Մոսկվայում տեղի կունենան ԱՊՀ երկրների վարչապետների խորհրդի և Եվրասիական միջկառավարական խորհրդի նիստերը։ Այս մասին հայտնում է ՌԴ կառավարության լրատվական գործակալությունը։

«2024 թվականի դեկտեմբերի 12-13-ը Մոսկվայում Ռուսաստանի Դաշնության կառավարության նախագահ Միխայիլ Միշուստինը կմասնակցի Անկախ պետությունների համագործակցության կառավարությունների ղեկավարների խորհրդի և Եվրասիական միջկառավարական խորհրդի նիստերին», - ասվում է հաղորդագրության մեջ։

Նշվում է, որ ԱՊՀ կառավարությունների ղեկավարների խորհրդի նիստը վարելու է ՌԴ վարչապետը։

Ռուսաստանը 2024 թվականին նախագահում է համագործակցությունում։ Մոսկվայի նախագահության ծրագիրը ներառում է ավելի քան 150 միջոցառումների անցկացում։