Ունենք երկու տասնյակից ավելի ռազմագերիներ Բաքվում․ պահանջում ենք նրանց անհապաղ վերադարձը․ Ասպրամ Կրպեյան

«Ունենք ռազմագերիներ Բաքվում․ պահանջում ենք նրանց անհապաղ վերադարձը»,-այս մասին ՄԱԿ-ի հայաստանյան գրասենյակի առջև կազմակերպված ակցիայի ժամանակ հյատարարեց «Հայասատան» խմբակցության պատգամավոր Ասպրամ Կրպեյանը։   Պատգամավորը նաև կոչ արեց աշխարհի երկրների առաջնորդներին COP29-ի շրջանակներում չհյուրընկալվել բռնապետական երկրում՝ Ադրբեջանում։

«Մենք պահանջում ենք, որ համաշխարհային հանրությունը, համամարդկային արժեքներ դավանող, ժողովրդավարական արժեքներ դավանող երկրների առաջնորդները դատապարտեն, հրաժարվեն և մասնակիցը չդառնան ադրբեջանական արյունալի պատմության հետագծի մաքրագործման գործում։ Մենք պահանջում ենք, որ իրապես կլիմայական արդարության հետ անքակտելի կապով կապված մարդու իրավունքների պաշտպանը լինի հիմքը, հենքը և առանցքը COP29-ի։ Պահանջում ենք, որ մեր ձայնը լսելի լինի։ Պահանջում ենք, որ մեր պահանջներն իրագործվեն։ Մեզ համար յուրաքանչյուր հայ մարդու ազատություն և իրավունք բացարձակ արժեք ունի։ Հանուն կլիմայական արդարության, հանուն համամարդկային արժեքների մենք դատապարտում ենք COP29-ի անցկացումը Ադրբեջանում»,-նշեց Ասպրամ Կրպեյանը։

Նշենք, որ COP29 գագաթնաժողովի նախաշեմին ՀՅԴ-ականներն ու համակիր քաղաքացիները  բողոքի ակցիայով ՄԱԿ-ի գրասենյակի, ԱԳՆ-ի և դեսպանատների դիմաց են։