Զելենսկին ուկրաինացիներին դիտավորյալ է նետել Կուրսկի «մսաղաց»․ Զախարովա

ՌԴ ԱԳՆ պաշտոնական ներկայացուցիչ Մարիա Զախարովան ասել է, որ Ուկրաինայի նախագահ Վլադիմիր Զելենսկին դիտավորյալ ուկրաինացի զինվորականներին ուղարկել Կուրսկի մարզի սահմանի մոտ գրոհի՝ երկրում մոբիլիզացիայի երկարաձգումն արդարացնելու համար։

Այս մասին դիվանագետը հայտնել է իր Telegram ալիքում։ «Զելենսկին Ուկրաինայի քաղաքացիներին ուղարկել է Կուրսկի մսաղաց՝ ուկրաինական մահացու մոբիլիզացիան ևս երեք ամսով հանգիստ երկարաձգելու համար»,- գրել է Զախարովան:

Այսպես է նա մեկնաբանել այսօր Ուկրաինայի նախագահի կողմից հերթական՝ 12-րդ անգամ ռազմական դրությունը և զորակոչի ժամկետը երկարաձգելու մասին ստորագրած օրենքը: Նա նաև միջազգային հանրությանը կոչ է արել «խստորեն դատապարտել Կիևի ռեժիմի հանցավոր հարձակումները»։

Ավելի վաղ Զախարովան Կուրսկի մարզի վրա ուկրաինական բանակի հարձակումներն անվանել էր ահաբեկչություն խաղաղ բնակչության դեմ։