Դատավորներն իշխանության պատվերները կատարելիս թող հիշեն Դանիբեկյանին և ԲԴԽ որոշումը․ Վահան Հովհաննիսյան

Փաստաբան Վահան Հովհաննիսյանի ֆեյսբուքյան իր էջում գրում է․

«Բոլոր այն դատավորները, ովքեր կարծում են, թե իշխանությանը ծառայություններ մատուցելով և նրանց պատվերներն անշեղորեն կատարելով ինդուլգենցիա են ստանալու, թող հիշեն Աննա Դանիբեկյանին և ԲԴԽ որոշումը։ Տարոսը Ձեզ»։

Հիշեցնենք՝ Բարձրագույն դատական խորհուրդը բավարարել է ՀՀ արդարադատության նախարար Գրիգոր Մինասյանի միջնորդությունը՝ որոշելով դադարեցնել երկրորդ նախագահ Ռոբերտ Քոչարյանի գործը քննած դատավոր Աննա Դանիբեկյանի լիազորությունները։

Ըստ ԲԴԽ-ի՝ Դանիբեկյանը էական կարգապահական խախտում է թույլ տվել պաշտոնաթող նախագահի վերաբերյալ քրեական գործերը քննելիս։