Մեր թիրախը՝ Հայաստանի գլխին նստած այդ թշնամին ու սատանան է․ Սրբազան

«Մեզ համար այս ամբողջ ընթացքը չի ավարտվում ո՛չ Ոսկեպարում, ո՛չ Կիրանցում, ո՛չ էլ մեկ այլ կետում»: Այս մասին լրագրողների հետ զրույցում ասաց Բագրատ Սրբազանը Սուրբ Աննա եկեղեցու բակում:

«Մենք ոչ միայն կանխելու մասին ենք մտածում, այլև մեր կյանքը վերականգնելու մասին ենք մտածում: Բայց խնդիրը այնտեղ չի լուծվելու, ոչ էլ ավարտվում է, հակազդեցությունը լինելու է այն, որ այս մարդիկ պետք է հեռանան: Եթե իրենք փորձեն մյուս գործողություններն էլ իրականացնեն ուրիշ հատվածներում, այստեղ կարևոր մի բան կա, այս գործընթացը տեղի է ունենում հակասահմանադրական կերպով` ընդդեմ մեր օրենքների և կենցաղի, կենսագրության: Սա նշանակում է` թշնամին նստած է ՀՀ գլխին, հետևաբար մեր թիրախը էդ թշնամին ու սատանան է և մեր հարցը դա է, այդ հարցը լուծելուց հետո պատերի և մնացած հարցերն էլ կլուծվեն»,- ասաց նա:
 

Մանրամասն՝  տեսանյութում