Շարժումը չի մարել, չի մարում, հասնելու է դրական հանգուցալուծման. Աստղ Գալեյան

«Ներկայիս իշխանությունները փորձում են իրենց արած բոլոր  մեղքերը բարդել շարժման վրա։ Բայց այն, ինչ կատարվել է 2020թ․-ից ի վեր ամբողջ պատասխանատուն իրենք  են։ Շարժումը չի մարել և գալու է հանգուցալուծման ՝ դրական ավարտով, մեր սրտով։ Ինչպես տեսնում եք՝ մարդիկ հավաքվում են, այսինքն՝ շարժման մարման մասին խոսք չկա»,- Սուրբ Աննա եկեղեցու բակում ասաց 44-օրյա պատերազմում զոհված Մխիթար Գալեյանի մայրը՝ Աստղ Գալեյանը:

Աստղ Գալեյանի համոզմամբ՝ եթե այս իշխանությունները մնան, ապա Հայաստանը գնալու է լուծարման։

«Բոլորս էլ գիտենք,թե ինչպես է Արցախը հանձնվել։ 2018 թ․-ին Արցախը Հայաստան էր և վերջ, իսկ ահա 2022թ․-ին ճանաչեց որպես Ադրբեջանի մաս և հանձնվեց Ադրբեջանին։ Հիմա բարձր ամբիոններից հայտարարություններ են անում, ինչը ամոթ է։ Նրանց արած որևէ քայլ չի համապատասխանում իրականությանը»,- հավելեց Գալեյանը։