կարևոր
4606 դիտում, 1 շաբաթ առաջ - 2024-03-30 14:07
Քաղաքական

Կառավարության որոշումը հայոց լեզվի և հայագիտության դեմ պետք է չեղարկվի՛․ Արմեն Այվազյանի կոչը՝ հայագիտական հիմնարկների ղեկավարներին

Կառավարության որոշումը հայոց լեզվի և հայագիտության դեմ պետք է չեղարկվի՛․ Արմեն Այվազյանի կոչը՝ հայագիտական հիմնարկների ղեկավարներին

Քաղաքագիտության դոկտոր, պատմաբան Արմեն Այվազյանը կոչով դիմում է հայագիտական հիմնարկների ղեկավարներին։

«Կոչով դիմում եմ հայագիտական հիմնարկների ղեկավարներին՝

— բոլոր ինստիտուտների տնօրեններին և փոխտնօրեններին,

— բոլոր ֆակուլտետների դեկաններին, փոխդեկաններին և գիտխորհուրդներին,

— բոլոր ամբիոնների վարիչներին,

— բոլոր հայագիտական հանդեսների գլխավոր խմբագիրներին և խմբագրական խորհուրդներին,

— ՀՀ ԳԱԱ նախագահությունում հայագիտության ոլորտի բոլոր պատասխանատուներին և ՀՀ ԳԱԱ նախագահին։

Հարգարժան տիկնայք և պարոնայք՝

Հույժ կարևոր է, որ ժամ առաջ հրապարակային դիրքորոշում հայտնեք ՀՀ կառավարության 25.12.2023 թ. № 2298 որոշման վերաբերյալ, որով հայոց լեզուն դուրս է մղվում գիտության ոլորտից, իսկ հայագիտությունն ու հասարակագիտությունը՝ հանձնվում են օտար կառավարման։

Այս որոշումը հակահայկական եվ հակասահմանադրական է։ այն պետք է չեղարկվի՛։

Կազմակերպեք հայագիտական համայնքի դիմադրությունը բոլոր հնարավոր օրինական ճանապարհներով։ որոշման իրականացման ծանրագույն հետեվանքների պատասխանատվությունն ընկնելու է անձամբ ձեզ վրա։

Հ.Գ. Խնդրո առարկա որոշման մասին իմ և, կարծում եմ, շատերի տեսակետն եմ արտահայտել, մասնավորապես, երեկվա հարցազրույցում (հղումը՝ այստեղ) և վերջին հրապարակումներում»։