կարևոր
1312 դիտում, 1 ամիս առաջ - 2024-02-22 20:44
Հասարակություն

Սամվել Շահրամանյանի թիկնապահն ազատ է արձակվել. նրան մեղադրանք չի առաջադրվել

Սամվել Շահրամանյանի թիկնապահն ազատ է արձակվել. նրան մեղադրանք չի առաջադրվել

Սամվել Շահրամանյանի թիկնազորի աշխատակից Աշոտ Դանիելյանը ազատ է արձակվել, ֆեյսբուքյան էջում հայտնել է փաստաբան Ռոման Երիցյանը։

Նրան մեղադրանք չի առաջադրվել։ Անազատության մեջ պահվել է շուրջ 60 ժամ։ Այն արարքը, որի մեջ կասկածվում էր` թմրամիջոցների պահումը և իրացումը, չի հաստատվել:

Հիշեցնենք, որ Դանիելյանը ձերբակալվել էր փետրվարի 20-ին։ Նրա պաշտպանը հայտնել էր, որ այդ օրը Տերյան փողոցից Աբովյան փողոց երթեւեկելու ընթացքում նրա դիմացի հատվածն արգելափակել է քաղաքացիական մի ավտոմեքենա՝ ճանապարհային երթեւեկության կանոնները խստիվ խախտելով: