Մկրտության մեծ արարողություն. 140 արցախցի երեխա կմկրտվի նույն օրը

Նոյեմբերի 14-ին Մասիսի 7 եկեղեցիներում 7 քահանաների և 7 կնքահայրերի մասնակցությամբ միաժամանակ կմկրտվեն 140 արցախցի երեխա։ Այս մասին հայտնել է Տեր Զարեհ Աշուրյանը։

Նա մասնավորապես գրել է․

«Օրհնությամբ Մասյացոտնի Թեմի Առաջնորդ Տեր Գևորգ եպս․ Սարոյանի Արցախից բռնի տեղահանված մեր հայրենակիցները պատրաստվում են նոյեմբերի 14-ին մկրտվել Մասիս համայնքի եկեղեցիներում։ Այդ առիթով սույն թվականի նոյեմբերի 10-ին Մասիս քաղաքի Սուրբ Թադեոս եկեղեցում տեղի ունեցավ Մասիս համայնքի քահանա հայրերի, թվով 140 արցախահայերի և նրանց ապագա կնքահայրերի հանդիպումը:

Ընդառաջ Մկրտության Սուրբ խորհրդի՝ քահանա հայրերը խոսեցին և բացատրեցին Սուրբ Մկրտության խորհրդի մասին, որից հետո արցախահայերից յուրաքանչյուրը ծանոթացավ իր կնքահոր հետ։ Արցախահայերի մկրտությունները լինելու են շարունակական»,- գրել է հոգևորականը։