Հերքում

«Երկիր» խմբագրություն ՍՊԸ-ն հերքում է «Գլոբալ Գոլդ Մայնինգ» ՍՊԸ-ի վերաբերյալ 2022 թվականի ապրիլի 6-ին և ապրիլի 12-ին հրապարակված հոդվածներում տեղ գտած իրականությանը չհամապատասխանող տեղեկությունները

«Երկիր» խմբագրություն ՍՊԸ-ի կողմից www.yerkir.am լրատվական կայքի միջոցով 2022 թվականի ապրիլի 6-ին հրապարակվել է «Սնանկացած Գլոբալ Գոլդ Մայնինգի 140 աշխատակից 10 տարի է՝ դեռ աշխատավարձ չի ստացել» վերտառությամբ հոդվածը, իսկ 2022 թվականի ապրիլի 12-ին՝ ««Գլոբալ Գոլդ Մայնինգի պնդումներն ակնհայտ կեղծ են»․ չվճարված աշխատակիցները հերքում են ԳԳՄ-ի հերքումը» վերտառությամբ հոդվածը։

«Գլոբալ Գոլդ Մայնինգ» ՍՊԸ-ի կողմից հիմնավոր հակափաստարկներ ներկայացնելու արդյունքում պարզվել է, որ վերոնշյալ հոդվածներում հրապարակվել են իրականությանը չհամապատասխանող տեղեկություններ։

Սույնով «Երկիր» խմբագրություն ՍՊԸ-ն հերքում է վերը նշված հոդվածներում արտացոլված իրականությանը չհամապատասխանող տեղեկությունները։

Ելնելով այն հանգամանքից, որ մեր խմբագրության համար սկզբունքային է ընթերցողներին իրականությանը համապատասխանող տեղեկատվություն մատուցելը` հայտնում ենք, որ ցավում ենք «Գլոբալ Գոլդ Մայնինգ» ՍՊԸ-ին պատճառված անհարմարությունների և վնասների համար։