Պարեկ կոչվող վայրենի ենիչերիները ոհմակային հարձակումով հաշվեհարդար են տեսել անպաշտպան մարդկանց հետ. Իշխանյան

Լսելով տուժածներին, սարսափում ես, թե ինչ է երեկ տեղի ունեցել Վանաձորում։ Վստահաբար եմ ասում, որ անկախ Հայաստանի ողջ պատմության մեջ նման դեպք չի եղել։Փաստորեն Հայաստանում ցանկացած մարդ լրիվ անպաշտպան է։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։

«Քաղաքացու ցանկացած պահվածք կարող է դուր չգալ պարեկ կոչվող վայրենի ենիչերիներին և նրանք համոզված լինելով իրենց անպատժելիության մեջ, ոհմակային հարձակումով հաշվեհարդար են տեսնում անպաշտպան, անզեն մարդկանց հետ, առանց հաշվի առնելու տարիքը, սեռը, առողջական վիճակը։ Ավելին, համոզված եմ, որ նրանք ըստ իրենց կողմից ցուցաբերած վայրենության աստիճանի, խրախուսանքի են արժանանում, այդ թվում ֆինանսական։Մենք զայրանում ենք, դիմումներ հղում տարբեր միջազգային կառույցներ, ադրբեջանական վայրագությունների համար։ Իսկ ինչո՞վ են տարբերվում պարեկ ենիչերիներն իրենց ադրբեջանցի եղբայրներից։

Նման դեպքերի համար , այլ երկրներում մարդկային հսկայական զանգված դուրս կգար փողոցներ, ոտքի տակ տալով իշխանություններին․․․իսկ մեզ մո՞տ․․․

Հաա՜, մոռացել էի, մենք քաղաքակիրթ ենք, այսինքն՝ վախկոտ և պայքարում ենք միայն սահմանադրական ճանապարհով։ Այսինքն, չենք պայքարում, հանդուրժում ենք և հանձնվում»,- գրել է Իշխանյանը։