Վաշինգտոնում կրակել են ԱՄՆ-ում Ադրբեջանի դեսպանատան ավտոմեքենայի վրա

Բաքվում ԱՄՆ գործերի ժամանակավոր հավատարմատարը չորեքշաբթի կանչվել է Ադրբեջանի արտաքին գործերի նախարարություն՝ Վաշինգտոնում Ադրբեջանի դեսպանատան ծառայողական մեքենայի վրա կրակելու կապակցությամբ։

«Հոկտեմբերի 10-ի լույս 11-ի գիշերը Վաշինգտոնում կրակել են ԱՄՆ-ում Ադրբեջանի դեսպանատան ծառայողական մեքենայի վրա, հոկտեմբերի 12-ին տեղի ունեցած միջադեպի կապակցությամբ Ադրբեջանում ԱՄՆ գործերի ժամանակավոր հավատարմատարը կանչվել է ԱԳՆ: Նրան լուրջ մտահոգություն և դժգոհություն է փոխանցվել տեղի ունեցածի առնչությամբ, ինչպես նաև տեղեկացվել է Ադրբեջանի դիվանագիտական ​​ներկայացուցչության անվտանգությունն ապահովելու պահանջի մասին», - ասված է Ադրբեջանի ԱԳՆ հաղորդագրության մեջ։

Գործակալությունը նշում է, որ ամերիկյան կողմին է տրամադրվել միջադեպի տեսագրությունը։