Իսրայելը հայտնում է Լիբանանի տարածքից հրթիռակոծման ու դրան պատասխանելու մասին

Իսրայելը հայտարարել է, որ Լիբանանի տարածքից հրթիռներ են արձակվել իրենց ուղղությամբ: Հրթիռակոծությունն իրականացվել է լիբանանյան Սուր քաղաքից: Հրթիռը պայթել է ամայի տարածքում, վնասներ չեն եղել։

«Ալ Ահբար» թերթը, որը հայտնի է լիբանանյան «Հըզբոլլահ» շարժման հետ կապերով, հայտնել է, որ հրթիռն արձակվել է լիբանանյան Սուր քաղաքի հարավից։

Շուրջ 2 տարի լիբանանա-իսրայելական սահմանին ժամանակավոր հանգստություն է:

Հրթիռային հարձակումը տեղի է ունեցել օկուպացված Արևելյան Երուսաղեմի և Արևմտյան ափի Ալ Աքսա մզկիթի տարածքում իսրայելցիների և պաղեստինցիների միջև լարվածության սրման ժամանակ:

Իսրայելի զինվորականներն, իրենց հերթին, երկուշաբթի հրետանային հարձակում են իրականացրել հարավային Լիբանանում գտնվող ենթակառուցվածքային օբյեկտների և կրակակետերի վրա: Այս մասին հայտնում են իսրայելական բանակի մամուլի ծառայությունից։