27 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Ռուսաստանի իշխանությունները հայտնել են, որ Ուկրաինայի զինված ուժերի կողմից Բելգորոդի հրթիռակոծման ժամանակ զոհվել է 5 մարդ, այդ թվում՝ 1 երեխա, 18 մարդ վիրավորվել է։ Այս մասին հայտնել է Բելգորոդի նահանգապետ Վյաչեսլավ Գլադկովն իր Telegram ալիքում։
«Նախնական տվյալներով՝ Բելգորոդում զոհվել է 5 մարդ, այդ թվում՝ 1 երեխա, ևս 18 մարդ վիրավորվել է, որոնցից 5-ը երեխաներ են։ Շտապօգնության խմբերը տուժածներին տեղափոխում են բուժհաստատություններ։ Տրամադրվում է ողջ անհրաժեշտ օգնությունը», – տեղեկացրել է տարածաշրջանի ղեկավարը։
Նրա խոսքով՝ Բելգորոդի և Բելգորոդի շրջանի օդային տարածությունում Ռուսաստանի հակաօդային պաշտպանության համակարգը 14 օդային թիրախ է խոցել։ Կոտրվել են տարբեր շենքերի ապակիներ, վնասվել են տանիքներ, ավտոմեքենաներ։
Իր հերթին տեղի առողջապահական գերատեսչությունն ավելի ուշ հաղորդել է, որ զոհերի թիվը հասել է 6-ի։ 17 մարդ վիրավոր է։ Ըստ BBC-ի ռուսական ծառայության՝ հրթիռակոծության հետևանքով վնասվել է առևտրի կենտրոն, որում եղել են մարդիկ։ Հրթիռների բեկորներն ընկել են նաև դպրոցական մարզադաշտի տարածքում։
Ուկրաինայում ավելի վաղ հայտնել էին, որ փետրվարի լույս 15-ի գիշերը Ռուսաստանը հրթիռակոծել է երկրի տարբեր շրջաններ՝ արձակելով 26 հրթիռ, որոնցից 13-ը հնարավոր է եղել խոցել։ Խարկովի մարզի Չուգուև քաղաքում 1 կին է զոհվել, իսկ Լվովում և Զապորոժիեում հայտնել են հարվածների հետևանքով տուժածների մասին։