ԱՄՆ ռազմական ավտոշարասյունը հարձակման է ենթարկվել Իրաքի հարավում

ԱՄՆ ռազմական ավտոշարասյունը հարձակման է ենթարկվել Իրաքի հարավում. հայտնում են իրաքյան լրատվական աղբյուրները:

Հարձակումն իրականացվել է Իրաքի հարավում գտնվող Ալ Դիվանիա շրջանում ճանապարհին տեղադրված ռադիոկառավարվող ականի պայթեցմամբ: Հաղորդման համաձայն՝ պայթյունը տեղի է ունեցել ավտոշարասյան անցնելու ժամանակ, սակայն հարձակման հետևանքով ոչ ոք չի տուժել։

Իրաքում լոգիստիկ շարասյուների և ամերիկյան ուժերի վրա հարձակումներն ակտիվացել են վերջին մեկուկես տարվա ընթացքում, և դիմադրության որոշ խմբերի հաջողվել է գրոհել ԱՄՆ ռազմաբազաները Այն ալ Ասադում (Ալ Անբար նահանգ), Ալ Հարիրում (Էրբիլի մոտ) և Camp Victoria ճամբարում` Բաղդադի միջազգային օդանավակայանի մոտ:

Մի քանի ամիս առաջ Իրաքի տարբեր նահանգներում տեղի են ունեցել նաև չորս առանձին հարձակումներ ԱՄՆ ռազմական շարասյան վրա, որոնք վնաս են հասցրել ամերիկյան ռազմական տեխնիկային։