Էրդողանը քննադատել է ԱՄՆ-ին

Թուրքիայի նախագահ Ռեջեփ Թայիփ Էրդողանը քննադատել է ԱՄՆ-ի դիրքորոշումը Անկարայի կողմից Ս-400 զենիթահրթիռային համակարգեր գնելու հարցում. հայտնում է TRT Haber-ը։

«Թուրքիան Ռուսաստանից գնել է Ս-400-ներ.։ ԱՄՆ-ն ասաց. «Հետ տվեք դա»։ Մենք էլ պատասխանեցինք. «Ինչո՞ւ վերադարձնենք, դուք մեզ տվե՞լ եք, իսկ մենք չե՞նք վերցրել»- ասել է Էրդողանը` ակնարկելով, որ ԱՄՆ-ը հրաժարվել էր ժամանակին Թուրքիային վաճառել «Պատրիոտ» համակարգեր:

Նա նաեւ նշել է, որ Թուրքիան պետք է հոգա իր մասին։

«ԱՄՆ-ը մեզ ոչինչ չտվեց, ուստի մենք պետք է հոգ տանենք մեր մասին: Մենք առաջարկ ստացանք Ռուսաստանից և գնեցինք այս համակարգերը։ Թուրքիան F-35-ի համար վճարել է 1 մլրդ 400 մլն դոլար, բայց այդպես էլ չի ստացել։ Հիմա նոր առաջարկներ են գալիս, բայց մենք դեռ մտածում ենք։ Հուսով եմ, որ դրանք այստեղ կարտադրենք»,- ասել է Թուրքիայի նախագահը։