Բաքվում փակվել է Իրանի գերագույն առաջնորդ այաթոլլահ Ալի Խամենեիի գրասենյակը

Բաքվում փակվել է Իրանի գերագույն առաջնորդ այաթոլլահ Ալի Խամենեիի ներկայացուցիչ Օջագնեժադի գրասենյակը. հայտնում է ադրբեջանական haqqin.az-ը:

Գրասենյակը, որը գտնվում էր Հուսեյնիա մզկիթի շենքում, դադարեցրել է գործունեությունը իրավապահ մարմինների աշխատակիցների կողմից աղոթատեղիի ստուգումից հետո:

«Վերջին օրերին COVID-19-ով վարակվածների թիվը կտրուկ աճել է Բաքվի մի քանի վայրերում, և այդ վայրերից մեկը Հուսեյնիա մզկիթն է: Հետեւաբար, այս վայրերի, այդ թվում` մզկիթի գործունեությունը դադարեցվել է: Ներկայումս համաճարակաբանական ծառայությունը համապատասխան միջոցներ է ձեռնարկում»,- ասել է Ադրբեջանի ՆԳՆ մամուլի ծառայության ղեկավար Էհսան Զախիդովը: