Արևմտյան Հայաստանում գիտնականները հայտնաբերել են 11 հնագույն բուրգեր

Թուրքիայում՝ աշխարհի ամենահին տաճարային համալիրներից մեկից՝ Գյոբեքլի Թեփեից (հայերեն՝ Պորտասար, Շանլըուրֆա (Ուրֆա) նահանգ) ոչ հեռու, հնագետները հայտնաբերել են 11 խոշոր արհեստական բլուրներ: Ըստ Daily Sabah-ի՝ հողաթմբերը բառացիորեն շրջապատում են մոտ 12 հազար տարի առաջ կառուցված կառույցները։

Թուրքիայի մշակույթի և զբոսաշրջության նախարար Մեհմեդ Նուրի Էրսոյը լրագրողներին ասել է, որ գիտնականները տարածքն անվանել են «12 բլուր», ինչպես նաև «Թուրքիայի հարավարևելյան բուրգեր»:

«Այս տարածաշրջանն ունի յուրահատուկ մշակույթ»,- մեկնաբանել է Էրսոյը՝ ավելացնելով, որ բլուրների վերաբերյալ լուրջ ուսումնասիրությունն ավարտվում է, և մանրամասն զեկույցը կթողարկվի սեպտեմբերին:

Պորտասարը 2011 թվականից ընդգրկված է ՅՈՒՆԵՍԿՕ-ի Համաշխարհային ժառանգության ցուցակում։ Այն հայտնաբերվել է 1963 թվականին Ստամբուլի և Չիկագոյի հնագետների կողմից: