Պուտինը խոսել է Իրանի հետ համագործակցության ծրագրերի մասին

Ռուսաստանը համագործակցության ծրագրեր ունի, այդ թվում՝ ռազմատեխնիկական ոլորտում. ամերիկյան NBC հեռուստաալիքին տված հարցազրույցում ասել է ՌԴ նախագահ Վլադիմիր Պուտինը։

«Մենք Իրանի հետ համագործակցության ծրագրեր ունենք, այդ թվում՝ ռազմատեխնիկական համագործակցության ոլորտում։ Այս ամենը որոշումների շրջանակներում է, որոնք համաձայնեցվել են մեր ծրագրում, Իրանի միջուկային ծրագրի վերաբերյալ՝ ՄԱԿ-ի որոշումների շրջանակներում JCPOA-ի նախապատրաստման ընթացքում, որտեղ որոշակի փուլում Իրանի դեմ պատժամիջոցները պետք է վերացվեն, այդ թվում՝ ռազմատեխնիկական համագործակցության ոլորտում», - հարցազրույցից մեջբերում է Կրեմլի մամուլի ծառայությունը:

Պուտինը հավելել է, որ երկու երկրներն ունեն որոշակի ծրագրեր սովորական զենքի վերաբերյալ, «եթե բանը հասնում է դրան»:

«Մինչ այժմ մենք ոչ մի իրական համագործակցություն չունենք սովորական զենքի ոլորտում, այնպես որ՝ ինչ-որ մեկը ինչ-որ բան է հորինում ժամանակակից տիեզերական տեխնոլոգիաների մասին։ Սա պարզապես ֆանտաստիկա է, ևս մի հերյուրանք՝ ֆեյք»,- ընդգծել է Ռուսաստանի պետության ղեկավարը՝ անդրադառնալով օրերս արևմտյան մամուլում տեղ գտած այն տեղեկատվությանը, որ ՌԴ–ն Իրանին է տրամադրել տիեզերական տեխնոլոգիաները։