ՏԵՍԱՆՅՈՒԹ․ Կոռուպցիայի կանխարգելման մարմիններում պետք է փոխվեն քաղաքական նշանակումները․ Արփինե Հովհաննիսյան

Այսօր կոռուպցիայի կանխարգելման մարմնի նշանակումը քաղաքական  է, այդ պատճառով, նույնիսկ բուռն ցանկության դեպքում, չեն կարող պատշաճ իրականացնել իրենց գործառույթը՝ ըստ Yerkir.am-ի ասաց «Հայաստան» դաշինքի ներկայացուցիչ, ՀՀ արդարադատության նախկին նախարար Արփինե Հովհաննիսյանը դաշինքի շտաբի անդամների մամուլի ասուլիսում։

Նա ներկայացրեց դաշինքի ծրագիրը՝ կապված կոռուպցիայի դեմ պայքարի և իրավական քաղաքականության մի շարք կարևոր հարցերի հետ․ հակակոռուպցիոն քաղաքականություն, մատչելի և  որակյալ արդարադատություն, մարդակենտրոն վարչարարություն:

«Մենք առաջարկում ենք արդյունավետ պայքար կոռուպցիայի դեմ, որը նշանակում է ոչ թե կոռուպցիայի դեմ պայքարող մարմինների թվաքանակի արհեստական ավելացում, այլ նշանակում է որակի բարձրացում՝ քաղաքական նշանակումների բացառմամբ և քաղաքական կամքի հստակ ուրվագծման միջոցով։ Մենք առաջարկում ենք մարդակենտրոն վարչարարություն»,-ասաց Արփինե Հովհաննիսյանը։

Նա պարզաբանեց, որ  սա նշանակում է մարդկանց քաշքշուկի մեջ չգցել։

Կոռուպցիայի կանխարգելման հանձնաժողովը, Արփինե Հովհաննիսյանի խոսքով, քաղաքականացված, ընտրանքային մոտեցում ունի  կոնկրետ քաղաքական իշխանության ներկայացուցիչների նկատմամբ։

«Մասնավորապես, 2020թ-ին հարուցվել է վարույթ կոնկրետ նախարարներից մեկի կողմից իր կնոջ ընկերությունից մեկ աղբյուրից գնման եղանակով պետպատվերի պատվիրակում, բայց այնտեղ Կոռուպցիայի կանխարգելման հանձնաժողովը շահերի բախում չի հայտնաբերել։ Հայաստանում կոռուպցիայի դեմ պայքարը դարձել է իմիտացիա, քաղաքական գործիք, հետևաբար, ՀՀ-ում կոռուպցիայի դեմ արդյունավետ պայքարի մասին չենք կարող խոսել»,-ասաց Արփինե Հովհաննիսյանը։

Մանրամասն՝ տեսանյութում․