Մակրոնն ու Ջոնսոնը վիճել են

G7-ի գագաթնաժողովում վիճաբանություն է տեղի ունեցել Ֆրանսիայի նախագահ Էմանուել Մակրոնի ու Մեծ Բրիտանիայի վարչապետ Բորիս Ջոնսոնի միջև: Այս մասին հայտնել է Ֆրանսիայի բարձրաստիճան դիվանագետ:

Նրա խոսքով՝ սկանդալը տեղի է ունեցել Brexit–ի պատճառով: Աղբյուրը մանրամասնել է, որ Բրիտանիայի վարչապետն ընթացիկ քննարկումներն անընդհատ շրջել է  Brexit-ի խնդիրների կողմը: Դա զայրացրել է Մակրոնին: Նա նախատել է Ջոնսոնին, որը փորձել է ներկաներին շեղել օրակարգային թեմաներից:

«Մի՛ ասա ինձ, որ չգիտեիր, թե ինչ էիր անում, երբ ստորագրեցիր ԵՄ-ից Բրիտանիայի դուրս գալու մասին փաստաթուղթը»,- ասել է Մակրոնը Ջոնսոնին։

Մեծ Բրիտանիան դուրս  է եկել Եվրամիությունից 2020 թվականի փետրվարի 1-ին: Դրանից հետո կողմերի միջև առաջացան որոշ խնդիրներ, այդ թվում`առևտրային համաձայնագրերի հետ կապված: