Ջոնսոնը հրաժարվել է ԱՄՆ քաղաքացիությունից

Մեծ Բրիտանիայի ԱԳ նախարար Բորիս Ջոնսոնը հրաժարվել է ամերիկյան քաղաքացիությունից, հայտնում է Gazeta.ru-ն՝ հղում անելով The Guardian պարբերականին:

Պարբերականի տվյալներով՝ ԱՄՆ ֆինանսների նախարարության հրապարակած ցուցակում բրիտանացի արտգործնախարարն այն 5500 մարդկանց թվում է, որոնք 2016թ. հրաժարվել են ամերիկյան քաղաքացիությունից:

Ջոնսոնը ծնվել է Նյու Յորքում, քանի որ այդ ժամանակ նրա ծնողներն աշխատում էին Միացյալ Նահանգներում: Նա հինգ տարեկան հասակում հեռացել է ԱՄՆ-ից և այլևս այնտեղ չի ապրել:

The Guardian-ի կարծիքով այս որոշումը կապված է ոչ թե ԱՄՆ նախագահի պաշտոնում Դոնալդ Թրամփի ընտրվելու, այլ ամենայն հավանականությամբ հարկային ծառայությունների ուշադրության կենտրոնում չհայտնվելու հետ: Դեռևս 2014թ. հայտնվել էր տեղեկատվություն այն մասին, որ Ջոնսոնը, հավանբար, պետք է 50 հազար ԱՄՆ դոլար հարկ վճարի տան վաճառքից ստացված եկամուտի համար: