Հանրային հեռուստատեսությունը Սյունիքի հետ կապված իմ հայտարարություններից գրեթե ոչ մի բան չի լուսաբանում. ՄԻՊ

Հանրային հեռուստատեսությունը դատապարտելի վարքագիծ է ցուցաբերում․ ԱԺ ամբիոնից ասաց ՀՀ ՄԻՊ Արման Թաթոյանը:

«Մենք հատուկ մոնիտորինգ ենք արել՝ Սյունիքի հետ կապված իմ հայտարարություններից գրեթե ոչ մի բան չեն լուսաբանում: Ամբողջությամբ դարձել են իշխանության մարմինների քարոզիչ: Հանրային հեռուստատեսությանը, որպես հանրային ֆինանսավորում ստացող մարմնի, խիստ զգուշացնում եմ՝ հենց այս պահին, այս ամբիոնից, որ նրանք անաչառ ինֆորմացիա տրամադրող են և ոչ թե ՄԻՊ-ի տեղեկություններն աղավաղող: Պետք է իրականը տրամադրեն մարդանց», - նշեց Թաթոյանը:

Նա նաև տեղեկացրեց, որ Հանրային հեռուստատեսության մասնավոր լրատվական ալիքը վերցնելու է մոնիտորինգի տակ՝ հասկանալու համար լուսաբանման անաչառությունը: