Հայաստանը չի անցնի ամբողջական և խիստ սահմանափակումների. ՀՀ ԱՆ

Այսօր երեկոյան կայծակնային արագությամբ մամուլում լուր շրջանառվեց, որի համաձայն, Նիկոլ Փաշինյանը որոշում է կայացրել մարտի 15-ից կրկին փակել երկիրը՝ կորոնավիրուսի պատճառաբանությամբ:

Առողջապահության նախարարությունը շտապեց պարզաբանում տարածել, որում մասնավորապես ասվում է, որ  այդ լուրերը իրականությանը չեն համապատասխանում: Գերատեսչության հայտարարության տեքստում կարդում ենք, սակայն, որ այս պահին նման հարց չի քննարկվում: Միեւնույն ժամանակ նախարարությունը փաստում է, որ համավարակի ցուցանիշներն աճել են: Հիշեցնեմ, որ ըստ պաշտնական տեղեկատվության՝ վերջին 24 ժամում մեր երկրում  հաստատվել է կորոնավիրուսի 818 դեպք, մահացել է 5 մարդ: