ԱՄՆ-ը հնարավոր է սահմանափակի Սաուդյան Արաբիային զենքի վաճառքը

ԱՄՆ նախագահ Ջո Բայդենի վարչակազմը, Եմենում արաբական կոալիցիայի ռազմական գործողություններին աջակցությունը դադարեցնելու որոշման լույսի ներքո, հնարավոր է դադարեցնի Սաուդյան Արաբիային, պաշտպանական զենքից բացի, այլ զենքի մատակարարումը: Այս մասին հայտնում է Reuters-ը:

Գործակալության աղբյուրների համաձայն, իշխանություններն այժմ քննարկում են, թե ինչ տեսակի զենք կարելի է համարել պաշտպանական:

«Մենք կենտրոնացած ենք Եմենում հակամարտությունը դադարեցնելու վրա, թեև ձգտում ենք Սաուդյան Արաբիային տրամադրել անհրաժեշտ ամեն ինչ՝ իր տարածքն ու ժողովրդին պաշտպանելու համար»,- ՏԱՍՍ-ը մեջբերում է ԱՄՆ պետդեպարտամենտի խոսնակի խոսքերը: