ԱՄՆ-ը փորձում է պաշտպանել Սաուդյան Արաբիային. թագավորությունում Լեհաստանի նախկին դեսպան

Ստամբուլում Սաուդյան Արաբիայի հյուպատոսությունում սաուդցի ընդդիմադիր լրագրող Ջամալ Խաշուկջիի աղմկահարույց սպանությունը շարունակում է մնալ ուշադրության կենտրոնում:

Հիշեցնենք, որ նրա սպանությունը կապում են Սաուդյան Արաբիայի թագաժառանգ արզայազն Մուհամեդ բեն Սալմանի անվան հետ:

Շատերը կարծում են, որ լրագրողի սպանությունն անպատիժ կմնա. հայտնում է ТАСС-ը: Այսպես` թագավորությունում Լեհաստանի նախկին դեսպան Քշիշտոֆ Պլոմինսկին կարծում է, որ անգամ եթե արքայազնը կապ ունի սպանության հետ, նա ջրից չոր դուրս կգա: Նրա խոսքով` Սաուդյան Արաբիայի և ԱՄՆ-ի միությունն անվիճելի է, ԱՄՆ-ը ներկայումս փորձում է պաշտպանել իր գործընկերոջը, այդ պատճառով սպանության բացահայտում մոտ ժամանակներս պետք չէ ակնկալել: