Թուրքիայի ՆԳՆ և ՊՆ ղեկավարները այցելել են գլխավոր ընդդիմության գրասենյակ՝ մանրամասնելու Իրաքում 13 թուրքի սպանության դեպքը

Թուրքիայի ներքին գործերի նախարարը և պաշտպանության նախարարը Իրաքի (Իրաքյան Քուրդիստան) Գարա լեռների քարանձավում PKK-ի կողմից գերեվարված՝ Թուրքիայի 13 քաղաքացիների մահից հետո այցելել են գլխավոր ընդդիմադիր Հանրապետական–ժողովրդական կուսակցության ղեկավար Քեմալ Քըլըչդարօղլուին:

Սա լավ ցուցանիշ է այն բանի, թե ինչպես են Թուրքիայում իշխող կուսակցության պաշտոնյաները տեղեկատվություն փոխանցում ընդդիմությանը և հասարակությանը:

Չնայած դրան՝ այս հանդիպումը չի խանգարել, որ Քըլըչդարօղլուն հետագայում հրապարակի հինգ կոշտ հարցեր Թուրքիայի նախագահին, որին համարել է պատասխանատու Թուրքիայի քաղաքացիների մահվան համար:

1. Ի՞նչ արեցիք 5,5 տարվա ընթացքում բանտարկյալներին փրկելու համար:

2. Ընտրությունների ընթացքում Դուք համաձայնության եք եկել Աբդուլլահ Օջալանի նամակի շուրջ, որը Ձեզ աջակցում է, ինչո՞ւ եք խնդրել նրան՝ զանգահարել պատանդներին:

3. Ինչո՞ւ չօգտագործեցիք Թրամփի հետ Ձեր բարեկամությունը՝ բանտարկյալներին ազատելու համար:

4. Ինչո՞ւ չօգտագործեցիք իրավապաշտպան հասարակական կազմակերպություններին՝ Թուրքիայի քաղաքացիներին փրկելու համար:

5. Ո՞վ է պատասխանատու այս գործողության ձախողման համար: Ո՞վ է պատժվելու:

Հիշեցնենք, որ քրդերը տեսանյութ էին տարածել, որում երևում է, որ այն քարանձավը, որտեղ պահվում էին թուրքերը, ռմբակոծվել է հենց Թուրքիայի ԶՈՒ կողմից։