ՏԵՍԱՆՅՈՒԹ․ Մարտերը սկսում են թեժանալ․ Արծրուն Հովհաննիսյան

Գիշերը սահմանին թեժ մարտեր չեն եղել, բայց րոպեներ առաջ լուր ստացա, որ մարտերը սկսում են թեժանալ. ըստ Yerkir.am-ի` հայտարարեց ՀՀ ՊՆ ներկայացուցիչ Արծրուն Հովհաննիսյանը մամուլի ասուլիսում։

«Հակառակորդի բոլոր հարձակողական փորձերը կրել են անհաջողություն, ՀՀ զինված ուժերը հետ են շպրտել հակառակորդին, մասնավորապես` հակառակորդի զոհերը գնահատվում են 350-ից 360, մոտ 600 վիրավոր, խոցվել է 3 ուղղաթիռ, մոտավորապես 15 տեսակի զրահատեխնիկա, 1 «Սմերչ» կայան ու 6 ԱԹՍ», - ասաց նա։

Հովհաննիսյանը նշեց, որ ադրբեջանցիները կիրառում են բազում միջոցներ՝ ԱԹՍ-ներ, մեծ քանակությամբ հրետանի։

«Մեր ԶՈՒ-ի ստորաբաժանումները հերոսաբար դիմակայում են: Ունենք, բնականաբար, զոհեր, որոնց մասին լրացուցիչ կհայտնենք: Հակառակորդը ևս կրել է կորուստներ` ինչպես տեխնիկայի, այնպես էլ կենդանի ուժի»,- ընդգծեց Արծրուն Հովհաննիսյանը:

Անդրադառնալով ՊՆ մամուլի խոսնակ Շուշան Ստեփանյանի սկանդալային գրառմանը, թե շուտով լավ լուր կհայտնի, Արծրուն Հովհաննիսյանը մեկնաբանեց՝ լավ լուրը, ամենայն հավանականությամբ, խոցված ուղղաթիռի մասին է:

«Այսօր արցախա-ադրբեջանական հակամարտության գոտու հարավային հատվածում՝ Վարազաթումբ (Լելե Թեփե) տարածքում, ՊԲ ստորաբաժանումները խոցել են հակառակորդի մարտական ուղղաթիռ, որն ընկել է Իրանի Իսլամական Հանրապետության տարածք, ինչի կապակցությամբ ՊԲ-ն ներողություն է խնդրել Իրանից»,- ասաց նա:

Մանրամասն՝ տեսանյութում․