Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-09-04 10:52
Քաղաքական

Այս քաոսին զարկ տրվեց 2018-ի մայիսից, իսկ «պտուղներն» արդեն նկատելի են. Գևորգ Գևորգյան

Այս քաոսին զարկ տրվեց 2018-ի մայիսից, իսկ «պտուղներն» արդեն նկատելի են. Գևորգ Գևորգյան

«Ազգային ճակատ» կազմակերպության հիմնադիր, արցախյան ազատամարտի մասնակից, ռազմական-քաղաքական գործիչ ԳԵՎՈՐԳ ԳԵՎՈՐԳՅԱՆՆ իր ֆեյսբուքյան էջում գրում է․

«Երկրի վարկանիշի անկումը, ի թիվս մի շարք գործոնների, սկսվում է նաև ներքաղաքական հարցերում իշխանության դիլետանտությունից, անպատասխանատվությունից և իրարարամերժ քայլերից: Մարդկային հարաբերություններից մինչև պետական քաղաքականություն, գնահատելի է վստահելի լինելու գործոնը, հակառակ դեպքում դու դիտարկվում ես խոցելի, ոչ անվտանգ, իսկ ավելի կոշտ՝ դավաճան, որի հետ զարգացող, դինամիկ և հեռանկարային հարաբերությունների ձգտելը ժամանակի անիմաստ կորուստ է: Այսպես է նաև պետությունների իշխանություների դեպքում:
 
Ազգային, պետական շահի առաջնահերթություն և պետության վստահելի պատասխանատու. այս կարևորագույն սկզբունքները ևս, որպես արդյունավետ կառավարման հենք, վերջին երկուս ու կես տարում ամբողջովին բացակայում է մեր երկրում: Եվ այդ պատճառով է նաև, որ մենք սառեցված, անորոշ հարաբերությունների մեջ ենք արտաքին դաշտում ընդհանրապես, իսկ ռազմավարական, դաշնակից-գործընկեր Ռուսատանի Դաշնության հետ՝ մասնավորապես: Սա մեծապես վնասում է մեր պետական շահին:
 
Փոխարենը ստեղծվում է առանց իզմերի, այսինքն գաղափարազուրկ հասարակության մոդել, որը արդեն իսկ հանգեցնում է քաոսի: Հենց այս՝ քաոսին զարկ տրվեց 2018-ի մայիսից, իսկ «պտուղներն» արդեն նկատելի են. քաոս կրթական համակարգում, քաոս անվտանգության ոլորտում, քաոս տնտեսությունում, քաոս միջպետական հարաբերություններում, քաոս հասարակական հարաբերություններում, քաոս ազգային արժեհամակարգում: Եթե այսպես շարունակվեց, ապա մենք մի քանի տարի հետո լրջագույն խնդիր ենք ունենալու թե ազգային ինքնության պահպանման առումով, և թե բանակի առումով:
 
Իշխանության բոլոր օղակներում, վերից վար, տեղավորված են բաց հասարակության՝ սորոսականները, որոնք իրենց ապազգային գործունեությամբ սպառնալիք են մեր պետականությանը: Մենք պարտավոր ենք շտկել այս թյուրիմացությունը մեր երկրում: Մեր աշխարհագարական դիրքը, հարևանների հետ հարաբերություններն ու մեր ազգի բազմադարյա պատմությունը վկայում է, որ մենք պետք է դրսևորենք խոհեմ, ճկուն քաղաքականություն՝ հստակ վեկտորներով և ռազմավարական, դաշնակցային առաջնահերթություններով:
Ի վերջո, ինչ է նշանակում պետականություն պահել և երկիր զարգացնել: Նշանակում է ունենալ կայուն տնտեսություն, ամուր անվտանգություն, ազգային ինքնության վրա հիմնված հասարակական հարաբերություններ, կրթական համակարգ, հոգևոր- մշակութային կյանք»:


բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը