Դոնբասում ուժի մեջ է մտել նոր հրադադար

Երկուշաբթի օրը, Կիևի ժամանակով 00: 01-ին, Դոնբասում ուժի մեջ է մտել նոր զինադադար. հայտնում է Ուկրինֆորմը:

Հրադադարի մասին պայմանավորվածությունները ձեռք են բերվել հուլիսի 22-ին եռակողմ շփման խմբի (Ուկրաինայի, Ռուսաստանի, ԵԱՀԿ-ի) հանդիպման ժամանակ, որն անցկացվել է օնլայն ձևաչափով՝ ինքնահռչակ ԴԺՀ և ԼԺՀ ներկայացուցիչների մասնակցությամբ:

Նախատեսվում է, որ զինադադարը կգործի մինչև Ուկրաինայի արևելքում հակամարտության ամբողջական և համապարփակ կարգավորումը: Հրադադարի ռեժիմը նախատեսում է հարձակողական և հետախուզական, դիվերսիոն գործողությունների արգելում, կրակոցներից, այդ թվում՝ դիպուկահարներից հրաժարվելը, ինչպես նաև բնակավայրերում և նրանց շրջակայքում ծանր զենքի տեղակայման արգելքը:

Դոնբասում մարտերը շարունակվում են 2014-ի ապրիլից: