Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-07-25 16:22
Մշակույթ

Աթենա Մանուկյանը ներկայացրել է իր նոր երգի տեսահոլովակը

Հայտնի երգչուհի, երգահան Աթենա Մանուկյանը ներկայացրել է իր նոր «Dolla» երգի տեսահոլովակը։ Հուլիսի 24-ից այն հասանելի է YouTube սոցիալական հարթակում:

2020 թվականի Եվրատեսիլի հայաստանյան ներկայացուցիչը նշում է՝ շատ է ցանկացել հոլովակը նկարահանել Հայաստանում, բայց կորոնավիրուսի պատճառով նկարահանումները տեղի են ունեցել Հունաստանում։

Երգի երաժշտության հեղինակներն են Աթենան և DJ Paco-ն: Ստեղծագործության խոսքերը հեղինակել է Աթենա Մանուկյանը։ Տեսահոլովակի ստեղծագործական ղեկավարը եղել է ինքը Աթենան։ Նա ցանկացել է ներկայացնել մինիմալիստական, արտիստիկ կերպար, տեսահոլովակի հիմքում գեղեցիկ կադրեր են, իսկ արտիստն ու պարողները պատված են ոսկով։ Աթենան ցանկացել է ներկայացնել բարձրակարգ տեսահոլովակ՝ մեծ ուշադրություն ցուցաբերելով մանրուքներին։

«Տեսահոլովակին խորհրդավոր գեղեցկություն են հաղորդում իմ պարողների դիմակները, որոնք պատրաստել եմ ինքս։ Դիմակներին ոսկե զարդեր են, և պարողներն ասես զինվորներ լինեն։ Իսկ դիմակների վրա կարող եք նկատել հայկական նախշեր»,- նշում է Աթենա Մանուկյանը:

«Dolla»-ն երգ է սիրո մասին: Այն շատ դրական, թարմ սինգլ է, որը ստիպում է քեզ պարել: Երգն անդրադառնում է այն թեմային, թե ինչպես կինը կարող է սիրել մի տղամարդու, որը փող չունի, բայց հրաշալի անձնավորություն է. կնոջ համար փողը էական չէ:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը