Քրդերը վերցրել են Թուրքիայում տեղի ունեցած պայթյունի պատասխանատվությունը

Ուրբաթ՝ հուլիսի 3-ին Թուրքիայի Սաքարիա նահանգում հրավառության գործարանում ուժեղ պայթյուն էր որոտացել՝ ոչնչացնելով արտադրամասեր և դառնալով մի քանի զոհի և տասնյակ վիրավորների մահվան պատճառ: Ավելի քան հարյուր տոննա պայթուցիկ նյութեր և պատրաստի արտադրանքներ էին պահվել ընկերության պահեստներում: Նախնական տվյալներով՝ պայթյունը տեղի է ունեցել պայթուցիկ նյութերի անվտանգության կանոնակարգերի և պահեստավորման պայմանների խախտման պատճառով:

Համացանցում հայտնվել է «Քուրդիստանի աշխատավորական կուսակցության» հետ կապված «Աթեշին Չուջուքլարը» ջոկատի հայտարարությունը, որը պատասխանատվություն է վերցրել գործարանում տեղի ունեցած պայթյունի համար: Ենթադրաբար, ձեռնարկությունն արտադրել է պայթուցիկ նյութեր, որոնք մատակարարվել են Թուրքիայի Զինված ուժերին, որն էլ դարձել է հարձակման պատճառը:

Հունիսի վերջին կառույցը հայտարարել էր Ստամբուլի և Իզմիրի ձեռնարկությունների հրկիզման մասին: Այնուամենայնիվ, իրավապահ մարմինները լուրջ չեն ընդունում հրկիզման վարկածը: