Կիմ Չեն Ընը դարձյալ անհետացել է

Հյուսիսային Կորեայի առաջնորդ Կիմ Չեն Ընը դարձյալ կորել է անհայտ պատճառներով. գրում է New York Post-ը։

Ընը հանրության առաջ դուրս չի եկել չի արել ոչ մի հայտարարություն արդեն 12 օր։ «Գուցե նա գործարանում իրականում կտրել է ժապավենը, բայց մենք չենք կարող հավատալ՝ իրական է, թե՝ ոչ», - հայտնել է ԱՄՆ նախագահի ազգային անվտանգության հարցերով խորհրդական Ռոբերտ Օ՚Բրայանը։

Հիշեցնենք, որ ապրիլի 15-ին Կիմ Չեն Ընի պապի՝ Կիմ Իր Սենի՝ ԿԺԴՀ հիմնադրի ծննդյան արարողությանը առաջնորդի բացակությունը խոսակցությունների առիթ էր դարձել, որոշները կարծում էին, որ մահացել է։ Մայիսի 2-ին Կիմ Չեն Ընը մասնակցել էր երկրում գործարանի բացման արարողությանը։