Ժակ Շիրակի մահվան կապակցությամբ Ֆրանսիայում սեպտեմբերի 30-ը համազգային սգո օր կհայտարարվի

Ֆրանսիայի նախկին նախագահ Ժակ Շիրակի մահվան կապակցությամբ Ֆրանսիայում սեպտեմբերի 30-ը հայտարարված է համազգային սգո օր. հայտնում է Korrespondent-ը՝ Ելիեսյան պալատի տարածած հաղորդագրությանը հղումով:

Քաղաքական գործչի հիշատակի արարողությունը տեղի կունենա Փարիզի Սեն Սյուպլիս տաճարում սեպտեմբերի 30-ին։

21:00-ից սկսած՝ քաղաքացիները կարող են գնալ Ելիսեյան պալատ՝ սգո մատյանում իրենց ցավակցությունները գրառելու:

Ֆրանսիայի նախկին նախագահ Ժակ Շիրակի փեսան՝ Ֆրեդերիկը, սեպտեմբերի 26-ին տեղեկացրել է, որ նախկին նախագահը մահվան պահին շրջապատված է եղել հարազատներով:

Yerkir.am-ն ավելի վաղ հաղորդել էր, որ երեկ՝ սեպտեմբերի 26-ին, 86 տարեկան հասակում մահացել է Ֆրանսիայի նախկին նախագահ Ժակ Շիրակը: