Վենեսուելայի կառավարությունը հրաժարվեց ընդդիմության հետ բանակցությունների նոր փուլին մասնակցելուց

Վենեսուելայի իշխանությունները որոշում են ընդունել հրաժարվել Բարբադոսում ընդդիմության հետ բանակցությունների հերթական փուլին մասնակցելուց: Օգոստոսի 7-ին համապատասխան փաստաթուղթն իր թվիթերյան էջում հրապարակել է Բոլիվարյան Հանրապետության կապի եւ տեղեկատվության նախարար Խորխե Ռոդրիգեսը:

Վենեսուելայի իշխանությունների եւ ընդդիմության բանակցությունները նախաձեռնվել են մայիսին Նորվեգիայի միջնորդությամբ եւ շարունակվել հուլիսին կարիբյան Բարբադոս կղզում:

«Չնայած այն բանին, որ ընդդիմության պատվիրակությունը, որը նշանակել է (ընդդիմության առաջնորդ) Խուան Գուայդոն, արդեն գտնվում է Բարբադոսում բանակցություններին մասնակցելու համար, որոնք պլանավորված էին այս շաբաթ, (Վենեսուելայի) նախագահ Նիկոլաս Մադուրոն որոշում է ընդունել չուղարկել իր պատվիրակությունը»,- ասված է հայտարարության մեջ:

Փաստաթղթում նշված է, որ հրաժարման պատճառը «Վենեսուելայի նկատմամբ վտանգավոր եւ կոպիտ ագրեսիան է (ԱՄՆ-ի նախագահ) Թրամփի վարչակազմի կողմից, որին աջակցում է Բոլիվարյան Հանրապետության ընդդիմությունը, հայտնում է է ՏԱՍՍ-ը: